香港新浪網 MySinaBlog
★~熊仔~☆ | 9 October, 2005 | 【喜之記】 | (144 Reads)

講埋尋日後尾去左邊先啦...
返左來屋企抖左一陣之後...
我就同丫瑩2個人落左APM行街街...
落到去第一時間去左食野
食「茶薈」...佢D野好好味呢!!!!
叫左一個2人餐再加多一個柚子蜜雞翼
食左訌唔多$250...唔算太貴啦!!!
最好笑係食食下野先記得未買飛睇戲
於是我就跑左上去買...
好彩仲有9:30既小企鵝睇唧...

食完野就去左行街...去左Mastermind同丫瑩一人買左一個銀包
好靚咖...仲要個款差唔多...情侶裝嗎??? ><
買完野行完街就去睇戲..成套戲感覺上只係一般好睇
不過D小企鵝幾可愛...加上配音幾得意
都算OK好睇啦!!!

睇完戲就搭車送佢返屋企...
搭車之前就好似講定咁去糖堂食糖水...
叫左個餐勁大份囉...不過只係一般好食...
最好味都係個芒果唔知咩卷...(唔記得個名啦!!!)
之後上車佢又係訓覺覺...
知佢尋日一定好累啦...行左咁多路
又返工...放工仲陪我傻咁周圍去^^
不過尋日真係玩得好開心呢!!!
多謝...小瑩!!!^^


★~熊仔~☆ | 8 October, 2005 | 【喜之記】 | (129 Reads)

岩岩返到屋企...
今日一早出左去幫丫瑩拎成績表...
仲差D趕唔切...><
個傻婆D成績原來好好呢!!!
拎完成績表見未夠鐘就去左旺電行左一陣
又去左花園街搵佢話果間賣蝦春卷既舖頭
不過都係搵唔到...唔知係邊呢!!!><
行到差唔多夠鐘就去左搭MTR去中環等佢放工
佢一見到俾就俾左份好大既禮我...><
係燈燈來的...難道佢知我最近想買燈??

同佢搭地鐵返到藍田就去左食M記...
之後就係匯景行街
佢買左2件衫都係我俾錢錢
佢話要俾返我...><
唔想收喎...想送俾佢呢!!!
之後經過一間整珠仔同果蠟既地方
佢就坐低整左個俾我...><
佢問我靚唔靚...真係好靚...
尤其係佢送既野...我都會覺得靚咖啦!!!

仲有呀!!! 丫瑩拎左條線俾我...
個Mon D色終於正常返啦!!! Yeah!!!


★~熊仔~☆ | 7 October, 2005 | 【喜之記】 | (145 Reads)
生日啦!!! 生日快樂...^^"
Happy Birthday To Myself!!!

★~熊仔~☆ | 7 October, 2005 | 【呆之記】 | (110 Reads)

哈哈!!!今日好俾心機咁做稿呀!!!
已經做左4頁仲寫埋編者話了!!! 強呀!!!

尋晚發夢見到自己要做稿
好多野做搞到冇得請假...
咁都不特止...仲要俾D稿追住...
過左一個不平凡既生日...><
都唔知點解會發D咁既夢...

尋晚仲未整得好部電腦...
個Mon D色仲係怪怪的...
不過總算用到...只係睇得耐會好累而已...

好想快D到聽日呀!!! 好想同丫瑩去睇戲食飯行街街
聽日媽咪同爸爸返大陸
丫麻就入姑媽度住...
得返我同丫妹兩個人係屋企...><
突然諗起如果唔係我之前要同丫瑩分開...
而家就可以叫佢上來玩...攬住佢訓啦...><


★~熊仔~☆ | 6 October, 2005 | 【呆之記】 | (118 Reads)

在世界中心呼喚愛選中...要講低自己三樣最愛的食物...

第一樣應該係...拉麵
鐘意食拉麵因為自細就好鍾意食日本野...
而且拉麵真係有好多唔同配料
叉燒、豬扒、雞扒...總之諗得到既就可以加落去整拉麵...
感覺上同公仔麵差唔多...都係咩配料都得...
不過拉麵仲有一樣好處...
就係佢既麵質都係煙韌...所以特別鍾意食

第二樣最愛食既野...就係牛扒
我呢度所講既牛扒...唔係一般普通果D
而係去扒房食果D好厚果D...
本身細個已經鍾意食牛肉...
加上牛扒一來俾我一種高檔感覺之餘
口感仲要好好...
厚厚既牛扒咬落仲有少少汁流出來咁...
諗起都想食呢!!!

第三樣最愛食既野...蕃茄薯片
我記得我第一次食係小學四年班...
果時係去學校旅行...個同學請左我食一塊
因為本身細個時媽咪唔太俾我食薯片
所以果次係第一次食蕃茄味...
好重既蕃茄味令我鍾意左食
而且因為有蕃茄味...更加會食唔停口呢!!!
不過都因為薯片太熱氣...所以而家好少食了...><

我要講都講晒啦...
不個...就搵哈爾仔講下啦!!!
★哈爾仔的移動日記★


Next